काठमाडौं । नेपाली कांग्रेस ज्येष्ठ राजनीतिज्ञ सभाका सदस्य एवं ओखलढुंगा जिल्ला कार्यसमितिका पूर्वसभापति पृथ्वीबहादुर कार्कीको ७८ वर्षको उमेरमा निधन भएको छ ।
कार्कीको काठमाडौंस्थित ह्याम्स अस्पतालमा उपचारका क्रममा सोमबार बिहान निधन भएको कांग्रेस केन्द्रीय कार्यालयका मुख्य सचिव कृष्णप्रसाद पौडेलले जनाए ।
कार्कीको निधनबाट पार्टीले एक अग्रज नेतृत्वलाई गुमाएको भन्दै कांग्रेस सभापति शेरबहादुर देउवाले दुःख व्यक्त गरेका छन् । कार्कीले पार्टी संगठन निर्माण र नेपालको लोकतान्त्रिक आन्दोलनमा पुर्याएको योगदान पार्टीमा सदा स्मरणीय रहने देउवाले जनाएका छन् ।